Penaos ober evit kaout un alc’hwez anaout ?
Mont d’ar bajenn Enskrivañ er c’hornad izili ha lakait hoc’h anv anez ankouaat diuzañ al log « diorroer on, fellout a ra din kaout un alc’hwez anaout ha kaout digor war ar servijoù Roadennoù Digor ».

Petra eo ar roadennoù digor a gaver e-barzh KorriGo ? Perak ar roadennoù-se kentoc’h eget re all ?

Ar roadennoù digor eo ar re a vez pourchaset gant KorriGo :

• ar stadegoù (a vez graet roadennoù teorikel anezho) a sell ouzh ar servijoù treuzdougen : arsavioù, eurioù, prizioù, an traoù kempennet evit an nammidi…
• roadennoù kemmus ar servijoù treuzdougen : an eurioù war amzer real, keleier war an trubuilhoù, an eurioù tremen, loc’hañ ha degouezhout…
• ar roadennoù a sell ouzh ar servijoù da lakaat an dud e darempred an eil re gant ar re all evit aesaat kenweturiñ : kinnigoù, lec’hioù ma taper an dud, ma laosker anezho, eurioù rakwelet…
• ar roadennoù monedusted

Bep pegeit e vez nevesaet ar roadennoù enlinenn ?

N’eus termenet keit resis ebet. Diouzh ar mod ma cheñch ar roadennoù e vez.

Evit darn anezho e c’hallont cheñch e-kerzh an devezh (API), evit darn all e c’hallont cheñch bep sizhun pe un toullad gwechoù e-kerzh ar bloaz.