Diazezet eo KorriGo war ar c’henlabour etre ar strollegezhioù karget eus an treuzdougen e Breizh abalamour da aozañ kinnigoù liesvod ha didroc’h evit mont-ha-dont e Breizh.

Dre ar c’hevelerezh-se, kenurzhiet gant Rannvro Breizh, ez eus 18 strollegezh e Breizh o labourat asambles en deiz hiziv, gant sikour Unvaniezh Europa :

• Rannvro Breizh,
• Roazhon Meurgêr,
• Brest Meurgêr,
• An Oriant Tolpad,
• Mor Bihan Gwened Tolpad,
• Sant-Brieg Arvor Tolpad-kêrioù,
• Kemper Breizh-Izel,
• Sant-Maloù Tolpad-kêrioù,
• Montroulez Kumuniezh,
• Felger Tolpad-kêrioù,
• Lannuon-Treger Kumuniezh,
• Konk-Kerne Tolpad-kêrioù,
• Lambal Douar ha Mor Tolpad-kêrioù,
• Kemperle Kumuniezh,
• Douarnenez Kumuniezh,
• Kumuniezh-kumunioù bro Landerne-Daoulaz,
• Gwengamp-Pempoull Tolpad-kêrioù
• Dinan Tolpad-kêrioù.

An holl strollegezhioù-se a gemer perzh evit lakaat ar reizhiad stlenn liesvod-mañ (klask hentoù, eurioù…) da vont en-dro ha da vezañ lakaet e pleustr.

En o mesk ez eus 12 hag a labour asambles ivez evit degemer bilhedoù ar rouedadoù all, dre ar gartenn KorriGo.

Dre al labour-se e weler ez eus nerzh gant ar spered stroll e Breizh, ha penaos eo gouest an holl oberourien e bed an treuzdougen enni d’en em gevredañ ha da vodañ ar roadennoù eus 22 rouedad treuzdougen.

E-barzh KorriGo.bzh e kaver ur vodulenn jediñ ivez hag a c’hall bezañ lakaet e lec’hiennoù an dud a fell dezhe.

KorriGo.bzh zo ouzhpenn ul lec’hienn Internet pa’z eo ivez un diaz roadennoù rannvroel war an treuzdougen boutin hag ar fiñvusted. An diaz roadennoù-se, a vez implijet evit al lec’hienn, a c’hallo bezañ implijet gant ar gevelerien evit o ostilhoù hag ivez gant lec’hiennoù implijerien all.

Evel-se e c’hallfe un ostaleri, da skouer, reiñ d’he fratikoù da welet an hent da vont betek enni gant an treuzdougen publik, pe an hent eus an ostaleri d’ul lec’hienn natur pe touristel, an aozerien festivalioù a c’hallfe ober ar memes tra evit o gweladennerien…

Evit kaout anezhañ eo simpl-tre, dav eo mont er rubrikenn  Takad an diorroerien el lec’hienn.